1. Mu Midugudu yose igize Akarere ka Gisagara  hateranye Umugoroba w'imiryango, hakaba hatanzwe ikiganiro gifite insanganyamatsiko igira iti: "Kurinda umutekano w'umwana mu gihe akoresha murandasi/ibikoresho nkoranabuhanga"

2. Kuri uyu wa 17 Nzeri 2023, 16h30-17h30, kuri Radio Huye 100,4 Mhz, hatamutse ikiganiro nyunguranabitekerezo cy'Akarere ka Gisagara cy' Ubukangurambaga ku kuboneza urubyaro buteganyijwe gutangira ejo taliki ya 18-22/09/2023, aho serivisi zo kuboneza urubyaro n'ubujyanama zizaba zegerejwe abaturage aho batuye.

Ikiganiro cyatanzwe n'Umuyobozi mukuru w'ibitaro bya Kibilizi Dr. Vedaste Mbayire afatanyije n'Umukozi w'Akarere ushinzwe guteza imbere ubuzima ndetse n'umubyeyi waboneje urubyaro.

3. Ku bufatanye bwa YEGO Center Gisagara, Police, Umurenge wa Mukindo, Inama y'Igihugu y'Urubyiruko mu Karere, muri uyu Murenge habaye "Bye Bye Vaccances" binyuze mu marushanwa y'Umupira w'amaguru. Aho ikipe y'Akagari ka Nyabisagara yegukanye igikombe itsinze iy'Akagari ka Gitega 1-0.

Murakoze