1. Ubuyobozi bw'Intara y'Amajyepfo bwagenzuye aho Imihigo 2022-2023 y'Akarere ka Gisagara igeze ishyirwa mu bikorwa

Abagize inama y'Umutekano itaguye n'abakozi b'Intara y'Amajyepfo bayobowe na Guverineri Alice Kayitesi basuye Akarere ka Gisagara mu rwego rwo kureba aho imihigo n'ibikorwa byateganyijwe mu mwaka wa 2022-2023 bigeze bishyirwa mu bikorwa, ingamba zo kuyesa no gutanga inama aho biri ngombwa.

Umuyobozi w'Akarere Jerome Rutaburingoga amaze kubagaragariza ibyakozwe, hakozwe amatsinda 4, muri yo 3 ajya mu Mirenge yose gusura ibikorwa no kuganira n'abaturage, indi isigara ku Karere isuzuma inyandiko zigaragaza ibyakozwe n'uburyo byakozwe.

Ku gicamunsi habaye gahunda yo guhuriza hamwe ibyagaragaye, hatangwa inama zinyuranye zafasha kwesa imihigo neza no kunoza inyandiko zijyanye nayo.

2. Muri Gisagara Montana Hotel habereye inama yahuje ubuyobozi bw'Akarere ka Gisagara, World Relief Rwanda n'abayobozi b'amadini ya Gikristu n'amatorero mu Karere ka Gisagara.

World Relief yari ihagarariwe na Albert Nzacahinyeretse, Manager mu Turere twa Gisagara, Nyamasheke na Karongi ari kumwe na Jeannette Nyiransabimana, uhagariye World Relief mu karere ka Gisagara.

Inama yateguwe ku bufatanye na World Relief, ikaba yari igamije kurebera hamwe aho ibikorwa bigeze mu madini n'amatorero World Relief ikoreramo mu Mirenge ya Save, Kibirizi na Nyanza na Gahunda y'aho bagiye kwagurira ibikorwa mu mwaka wa 2023 mu Mirenge ya Ndora, Musha na Mamba hagamijwe guha itorero ubushobozi ngo ryite ku bababaye kurusha abandi mu iterambere ry'imibereho myiza.

Murakoze