1. Kuri uyu wa 15 Werurwe 2024 hateranye inama isanzwe y'Inama Njyanama y'Akarere ka Gisagara y'igihembwe cya III/2023-2024 iyobowe na Chairperson Innocent Uwimana.

Inama yasuzumue ingingo zikurikira:
- Inyandikomvugo y'inama iheruka
- Ibyakozwe n'amakomisiyo na Biro
- Imihigo 2023-2024 n'ikoreshwa ry'ingengo y'imari
- Raporo y'ibikorwa by'Akarere 2023-2024
- Raporo y'Itangwa ry'amasoko ya Leta n'imishinga minini y'Akarere
- Ibindi

2. VM AFSO yitabiriye inama yagarutse ku bimaze kugerwaho mu mushinga wa World Vision ugamije guteza imbere uburinganire n'ubwuzuzanye no kudaheza (A gender equality & social inclusion), yahuje World Vision ku rwego rw'igihugu, ubuyobozi bwite bwa Leta, abafatanyabikorwa bandi bakorana na bamwe mu bagenerwabikorwa b'uyu mushinga mu Turere ukoreramo na Gisagara irimo.

Inama haberaga muri Kigali Convetion, harebwe ibimaze kugerwaho, ubuhamya bw'imiryango imaze kwiteza imbere no gusobanukirwa icyo umushinga ugamije.

Mu Karere kacu, uyu mushinga ukorera mu Mirenge itanu, ari yo Ndora, Gishubi, Mugombwa Kansi na Kigembe, ukaba ufite abagenerwabikorwa bagera mu bihumbi 16,688.

3. Ku gicamunsi, Umuyobozi w'Akarere Jerome Rutaburingoga yitabiriye inama yahuje Itsinda ryo kurwanya ibibazo bibangamiye imibereho myiza y’abaturage ku rwego rw'Intara n’iryo ku rwego rw’Igihugu yabereye ku biro by'Intara, hagaragazwa ibyavuye mu isuzuma ryakozwe n’abagize itsinda ryo ku rwego rw’Igihugu mu  Turere, hanarebwa aho ibyo bibazo bigeze bikemurwa.
Inama yari yanitabiriwe n’Abayobozi b’Uturere twose tw'Intara y'Amajyepfo n'inzego zikorera mku Ntara. Hashimwe ibimaze kugerwaho, biyemeza kushyira imbaraga mu gukemura ibisigaye.

4. Hashojwe amahugurwa y'iminsi 3 (13-15/03/2024) yahabwaga ibyiciro bitandukanye bihagarariye abaturage yateguwe ku bufatanye na NUDOR yaberaga muri Montana Hotel ku Gisagara.

Haguwe aba bakurikira:
- Uhagarariye inama y'Igihugu y'abagore ku Karere no mu mirenge ya Kibilizi, Muganza na Ndora,
- Uhagarariye inama y'Igihugu y'urubyiruko ku karere n'imirenge ya Kibilizi, Muganza na Ndora;
- Inama y'Igihugu y'abafite ubumuga ku Karere no mu mirenge ya Kibilizi, Muganza na Ndora.
- Environment officer
- Disaster management officer
- Uhagarariye Inama Njyanama y'Akarere
- Abahagarariye Inama Njyanama mu Mirenge ya Kibilizi, Muganza na Ndora;

Bahawe amahugurwa ku bumuga, ibyiciro by'ubumuga, Imbogamizi z'abafite ubumuga n'ihindagurika ry'Ikirere.

5. Kuri iki gicamunsi kandi, kuva 15h00, ku kibuga cy'Umupira cy'Akarere ka Gisagara giherereye mu Murenge wa Ndora hakomeje imikino ya Police Month. Umukino wabaye uyu munsi wahuje ikipe y'Akarere n'ikipe y'imboni z'impinduka (urubyiruko rwavuye mu bigo ngororamuco) ikorera mu Murenge wa Mugombwa . 

Umukino warangiye ikipe y'Akarere itsinze iy'imboni igitego 1-0.

Uyu mukino wabaye mu rwego rw'amarushanwa yateguwe na Police agahuza ibyiciro bitandukanye mu Karere harimo Abamotari, Abanyonzi, Youth Volounteehrs, Imboni z'ihmpinduka, Police ndetse na Local Leaders.

Muri iyi mikino habayemo gutanga ubutumwa bujyanye no kugira isuku, kurwanya imirire mibi mu bana n'ibindi bijyanye na Human Security Issues.

Indi mikino izaba kuwa gatanu utaha mu masaha ya Siporo .

Murakoze