Bimwe mu bikorwa byaranze Akarere ka Gisagara kuri uyu wa 11 Ukuboza 2024:

1. Umuyobozi w'Akarere Jerome Rutaburingoga yitabiriye inama nyunguranabitekerezo yaganiriye ku byavuye mu cyumweru cyo kwimakaza ihame ry’uburinganire yabereye ku biro by'Intara y'Amajyepfo iyobowe na Guverineri w'Intara Kayitesi Alice ari kumwe n’umugenzuzi Mukuru w’Uburinganire Umutoni Nadine.

Abitabiriye inama bagize umwanya wo kungurana ibitekerezo ku musaruro w’iki cyumweru no gufata ingamba zo gukomeza kwimakaza ihame ry’uburinganire no kurwanya ihohotera rishingiye ku gitsina.

2. Ubuyobozi bw'Akarere ka Gisagara n'Abafatanyabikorwa Concern Worldwide na ARDI bahuriye mu nama ngarukagihembwe yo gusuzuma ibimaze kugerwaho mu Murenge wa Save ahashyirwa mu bikorwa imishinga ya 2: "Green Graduation-Terintambwe mu Isi itoshye" na "Food security & Nutrition project - Kungahara".

Inama yatangijwe n'Umuyobozi Mukuru ushinzwe Imirimo Rusange mu Karere Hermenegilde Hundwitiro, ikaba yitabiriwe na:
- Abayobozi b'amashami: BDE n'uw'Ubuhinzi n'ubworozi
- Umunyamabanga Nshingwabikorwa w'umurenge wa Save
- NYC Coord ku rwego rw'Akarere
- Bamwe mu bakozi b'Akarere: JADF, Environment, Social, PRO, ...
- Abakozi b'Umurenge wa Save: Agronomme, Land, BDE, Veternary, Social, ...
- Abanyamabanga Nshingwabikorwa b'Utugari twa Zivu na Munazi
- Abakozi b'imishinga: Concern and ARDI

Iyi mishinga yombi ifasha ingo 820 zo mu Tugari 2 tw'Umurenge wa Save: Zivu na Munazi, aho bashoye amafranga asaga 298M arimo gufasha abaturage mu mishinga iciriritse ibyara inyungu zibafasha kwikura mu bukene bukabije " Graduation".
Intambwe imaze guterwa irashimishije.

3. VM ED Jean Paul Habineza yitabiriye amahugurwa (umwiherero) kuri Land Use Maste Plan arimo kubera mu Karere ka Musanze.

Murakoze