Ubuyobozi bw'Akarere ka Gisagara burabagezaho bimwe mu bikorwa byaranze Akarere kuri uyu wa 11 Nyakanga 2023.

1. Nk'uko biteganyijwe buri wa kabiri w'icyumweru, uyu munsi mu gitondo, mu Mirenge yose n'ibigo binyuranye bahaye ibikorwa by'igitondo cy'isuku.

2. Itsinda ry'abasenateri rigizwa na Prof. DUSINGIZEMUNGU J.Pierrre , Dr.TWAHIRWA Andre n'abakozi 2 ba Sena basuye inzibutso za Musha na Gikonko mu rwo kureba aho ishyirwamubikorwa ryo guhuza inzibutso mu Karere rigeze. Bakiriwe na VM AFSO, VP Inama Njyanama y'Akarere, Uhagarariye Ibuka ku Karere , Umukozi wa AVEGA, Umukozi w'Akarere ushinzwe Urubyiruko, umuco na Siporo.

3. Hifashishijwe uburyo bwa Video Conference, VM ED ari kumwe n'inzego z'umutekano, Good Gov Staff na MAJ bitabiriye inama ya Guverineri w'Intara y'Amajyepfo ku kunoza no gushyira imbaraga mu gukemura ibibazo by'abaturage, by'umwihariko mu kwezi kwahariwe Gukemura ibibazo by'abaturage kuzatangizwa ku wa Kabiri Tariki ya 18/7/2022, Hakazanashyirwaho itsinda ry'abakozi kuri buri rwego rishinzwe gukurikirana ikemurwa ry'ibibazo by'abaturage.

Muri iyi nama banibukije ko abakozi barebwa n'igikorwa cyo kumenyekanisha umutungo ku rwego rw'Umuvunyi, bakaba batarabikora, bakwihutira kubikora bitazabaviramo gufatirwa ibihano.

4. VM ED HABINEZA Jean Paul yayoboye umuhango wo guha Certificates abarezi 65 bigisha mu cyiciro cya mbere cy'amashuri abanza barangije amahugurwa yo kwigisha icyongereza hifashishijwe ikoranabuhanga (Digital Litaracy) mu cyiciro cya mbere cy'amashuri abanza.

Ni igikorwa cyagezweho ku bufatanye bw'Akarere ka Gisagara na World Vision Rwanda.

5. Ku Karere Hatangiye Amahugurwa y'iminsi 2 (11-12/07/2023) ku bazafasha ubukangurambaga mu gikorwa cyo gutanga urukingo rw'imbasa mu Karere baturutse mu Mirenge yose n'ibigo nderabuzima.
Igikorwa cyo gutanga urukingo rw'imbasa rwo kongerera umubiri ubudahangarwa ku bana 0-7yrs giteganyijwe kuwa 24-28/07/2023 mu gihugu hose n'ibihugu duturanye.

6. Mu rwego rw'imiyoborere myiza, kwegera abaturage no kubakemurira ibibazo bafite, kuri iki gicamunsi, mu Mirenge yose habaye Inteko rusange z'abaturage. Ku rwego rw'Akarere yabereye mu Murenge wa Gishubi, Akagari ka Nyabitare, aho VM ED Habineza Jean Paul ari kumwe na DPC bayitabiriye, mu gihe VM AFSO Denise Dusabe yitabiriye Inteko y'Abaturage mu Kagari ka Gisagara mu Murenge wa Ndora.

Abayobozi ku nzego zitandukanye bafatanyije n'inzego z'umutekano n'abaturage b'inyangamugayo bakemuye ibibazo bagejejweho n'abaturage.

Nyuma, abayobozi bakanguriye abaturage:
- Ubwisungane mu kwivuza
- Isuku n'isukura
- Gukora cyane no kwizigama

Murakoze, Imana ibahe umugisha.