1. Mu gitondo, mu Mirenge yose igize Akarere ka Gisagara twitabiriye ibikorwa by'igitondo cy'isuku. Ku rwego rw'Akarere byabereye mu Murenge wa Musha aho byitabiriwe na VM AFSO Denise Dusabe mu gihe VM ED Jean Paul Habineza yitabiriye ibikorwa by'igitondo cy'isuku mu Murenge wa Ndora.

Muri rusange, Ibikorwa byakozwe byibanze kuri:
- Isuku ku ma sites y'itora
- Gutunganya imihanda igana ku ma sites y'itora
- Isuku y'ahahurira abantu benshi muri rusange

Ubutumwa bwatanzwe:
- Kwibutsa abaturage bagejeje imyaka yo gutora ko ari inshingano yabo
- Kubashishikariza kuzitabira amatora bose kandi bazindutse
- Kwibukiranya uwemerewe gutora n'aho ashobora gutorera
- Izindi gahunda za leta: isuku n'isukura, kwita ku buzima bw'abana cyane cyane ko bari mu biruhuko, ...

2. Aho i Musha, VM AFSO yasuye abanyeshuri barimo gukora ihizamini bya Leta mu ishuri rya EP Munyengera, abifuriza gukora neza no kuzatsinda.

3. Umuyobozi w'Akarere wungirije ushinzwe iterambere ry'ubukungu HABINEZA Jean Paul ari kumwe n'Umunyamabanga Nshingwabikorwa w'Akarere UWAMAHORO Carine yayoboye inama yiga ku buryo bwo kwakira imisoro n'amahoro 2024-2025 (technical meeting).

Imana yitabiriwe na:
- Umuyobozi wa RRA mu Karere
- Ubuyobozi bwa Ngali ku Karere
- Umukozi ushinzwe GIS mu Karere
- Abakozi bashinzwe imisoro mu Karere 
-
Ingingo zaganiriweho:
- Target y'imisoro n'amahoro 2024/2025
- Imikorere n'imikoranire
- Ibikorwa byishyuzwa imisoro n'amahoro (tax base)

4. Kuri iki gicamunsi mu Mirenge yose habaye inteko z'abaturage. Ku rwego rw'Akarere yabereye mu Murenge wa Kansi aho yitabiriwe n'Umuyobozi w'Akarere Jerome Rutaburingoga ari kumwe na VM ED Jean Paul Habineza.

Nyuma yo gukemura ibibazo abaturage bagejeje ku bayobozi, bakanguriwe kuzitabira amatora bose kandi kare, banabibutsa kwishyura ubwisungane mu kwivuza hakiri kare.

5. VM AFSO Denise Dusabe yakiriye Umuryango w'abantu 3 wo mu gihugu cya USA (Boston). utera inkunga ibikorwa bya World Vision. Umugabo yitwa Darly Drummond, Umugore akitwa Jackie Drummond naho umwana w'umukobwa wabo akitwa Katie Drummond.

Bari baje mu rwego rwo kureba ibikorwa bya World Vision Ishema Cluster n'umumaro wabyo ku baturage.

Basuye Umudugudu wa Nkunamo mu Murenge wa Gishubi, abaturage babatambagiza muri bimwe mu  bibikorwa bamaze kugeraho birimo: Ubuhinzi bw'imbuto zitandukanye bahinga mu gishanga, ubworozi, ubucuruzi butandukanye n'uburyo bibumbiye mu matsinda yo kubitsa no kugurizanya.

Abaterankunga batashye banyuzwe kandi bishimye.

Murakoze