1. Kuri uyu wa kabiri, abayobozi, inzego z'umutekano n'abaturage baramukiye mu bikorwa by'Igitondo cy'isuku, byibanze ku gusibura inzira z'amazi. Ku rwego rw'Akarere byabereye mu Murenge wa Gishubi, mu Kagari ka Gabiro, aho byitabiriwe na VM AFSO Denise Dusabe. Banasuye zimwe mu ngo, bareba isuku, banatanga inama ku bagize umuryango.

2. Mu cyumba cy'Inama cya Montana, Umuyobozi w'Akarere RUTABURINGONGA Jerome ari kumwe n'Umuyobozi w'Akarere wungirije ushinzwe iterambere ry'ubukungu, HABINEZA Jean Paul bakiriye itsinda ryaturutse muri Europian Union (Odette Mutangiza  - EU Programme Officer, Gisera Campillo - Finance Officer, na Juvenal Turatsinze - EU Technical Assistant) hamwe n'abafatanyabikorwa bashyira mu bikorwa umushinga KUNGAHARA  ari bo:
1. Concern Worldwide ifatanyije na ARDI: Sustainable food production for poverty reduction in Rwanda- KUNGAHARA, ugamije kongera umusaruro w'ibiribwa no kugabanya ubukene

2. Actionaid Rwanda ifatanyije na TUBIBE AMAHORO: bafite umushingwa witwa "Improving food security and boosting farm income for women smallholders farmers in Rwanda- KUNGAHARA, ugamije kwihaza mu biribwa no guteza imbere umusaruro w'abahinzi b'abagore mu Rwanda, ugakorerwa mu Mirenge ya Muganza, Gishubi na Save

3. TEARFUND ifatanyije na Association Mwanukundwa: bashyira mu bikorwa umushinga "Enhancing Food and Nutrition Security in the Southern Province of Rwanda- KUNGAHARA, ugamije guteza imbere imirire myiza mu Ntara y'Amajyepfo, ugashyirwa mu bikorwa mu Mirenge ya Kigembe, Kansi, Mugombwa, Ndora, Musha na Save.

Bagaragaje ibikorwa byakozwe mu mishinga yose bikaba bihuriye ku guteza imbere ubuhinzi harimo guhugura uburyo bwo gukora ubuhinzi burambye, guhugura ku gutegura indyo yuzuye, guhangana n'ihindagurika ry'ikirere, gukora ifumbire y'imborera, ...

Bagaragaje n'imbogamizi bagize nko kuba hakunze kugaragara imihindagurikire y'ikirere no kuba abahinzi badafite ubushobozi bwo kubona ibikorwaremezo/ibikoresho byo guhangana nayo (ibigega bifata amazi, imashini zivomerera....), ubutaka busharira cyangwa se bufite ibumba ku buryo budatanga umusaruro, ahakenerwa ishwagara igihenze ku bahinzi kandi nta nkunganire igira, .....

Nyuma bagiye gusura bimwe mu bikorwa mu Murenge wa Save.

3. Muri gahunda yo kwegera abaturage, kuganira no gukemura ibibazo bafite, Ku gicamunsi, mu Tugari twose habaye Inteko z'abaturage.

Ku rwego rw'Akarere yabereye mu Murenge wa Mamba Akagari ka Kabumbwe aho yitabiriwe n'Umuyobozi w'Akarere Jerome Rutaburingoga.
VM ED Jean Paul Habineza yitabiriye inteko y'abaturage mu Kagari ka Kigarama mu Murenge wa Musha mu gihe VM AFSO Denise Dusabe yitabiriye inteko y'abaturage mu Kagari ka Zivu mu Murenge wa Save.

Ahabaye inteko hose, abayobozi, ku bufatanye n'inzego z'umutekano n'abaturage b'inyangamugayo bakiriye kandi bakemura ibibazo by'abaturage.

Murakoze