1. Mu Karere ka Gisagara habereye igikorwa cyo gutangiza imishinga 2 ya SPIU RAB: Umushinga wo guteza imbere ubworozi bw’inka zitanga umukamo icyiciro cya 2 “RDDP 2” n’Umushinga wo kwagura ubuhinzi burambye n’ubwihaze mu biribwa “SAIP 2”.

Umushyitsi mukuru muri iyi gahunda yari Umuyobozi w’Akarere ari kumwe na UWIMANA Gaspard (Animal Resources Specialist  & Team Leader / RAB) na IMANIMURINDE Evode (Nutrition Specialist/RAB).

Igikorwa cyitabiriwe na:
- Umuyobozi w’Ingabo mu Karere
- Abanyamabanga Nshingwabikorwa b'Imirenge
- Abakozi b’Akarere bashinzwe ubuhinzi ubworozi n’umutungo kamere ku Karere no mu Mirenge
- Abayobozi ba SACCOs
- BDF Manager
- Abahinzi n’aborozi ntangarugero bavuye mu Mirenge
- Abakozi b’iyo mishinga mu Karere

Iyo mishinga izafasha abahinzi n’aborozi kwihuta mu iterambere bongera ubwiza, ubwinshi n’ubunini bw’ibikorwa bakora, kandi izafasha n’abantu kwihangira imirimo ishamikiye ku buhinzi n’ubworozi.

2. Habaye inama y’abakozi bose b’Akarere bakorera ku HQS (Morning brief) iyobowe n’Umunyamabanga Nshingwabikorwa w’Akarere ari kumwe na Division Manager hagamijwe gusuzuma ibikorwa byihutirwa biteganyijwe no kuganira ku mikorere n'imikoranire hagamijwe kwihuta mu bikorwa n'imihigo by'umwihariko.

Murakoze