1. "Gisagara District Dialogue":
Gahunda y’Igihugu yo kwihutisha iterambere mu cyiciro cyayo cya mbere (NST1) iteganya ko buri mwaka, hagomba guhangwa imirimo mishya 214,000.

Mu Karere ka Gisagara habereye ibiganiro nyunguranabitekerezo mu rwego rwo kungurana ibitekerezo no guhuza ingamba ku rwego rw’Akarere hagamijwe guhanga imirimo mishya no guteza imbere umurimo, kugira uruhare muri gahunda zo kwigira no kwimenyereza umurimo.

Ni igikorwa cyitabiriwe n'abantu basaga 150 bavuye mu byiciro binyuranye by'ubuyobozi kuva ku Karere kugera ku Kagari n'ibigo binyuranye bikorera mu Karere, kikaba cyarateguwe ku bufatanye na MIFOTRA. Ibi biganiro byayobowe na VM ED Jean Paul Habineza sri kumwe na VP w'Inama Njyanama Laurette Mushimiyimana.

Twabamenyesha ko muri Gisagara, Imirimo mishya 4,000 igiye guhangwa muri uyu mwaka 2023-2024.

2. Kuri iki gicamunsi, ku kibuga cy'umupira w'amaguru cy'Akarere ka Gisagara giherereye mu Murenge wa Ndora habereye umukino wa nyuma w'irushanwa ry'umupira w'amaguru "Green Amayaga Football Competition" ryateguwe hagamijwe kumenyekanisha ibikorwa by'umushinga GreenAmayaga. Umukino wahuje ikipe y'umurenge wa Ndora muri Gisagara n'ikipe y'Umurenge wa Rugalika mu Karere ka Kamonyi.

Uyu mukino watangijwe na Guverineri w'Intara y'Amajyepfo Kayitesi Alice ari kumwe n'umuyobozi wa REMA n'Umuyobozi w'Akarere ka Gisagara. Umukino warangiye ikipe ya Ndora mu Karere ka Gisagara yegukanye igikombe ku bitego 2 kuri 0 ya Rugalika

Uyu mukino wabanjirijwe n'uwahuje Amakipe y'Umurenge wa Ntongwe mu Karere ka Ruhango n'uwa Kigoma mu Karere ka Nyanza mu rwego rwo guhatanira umwanya wa 3, umukino urangira Ntongwe itsinze ibitego 3-1 cya Kigoma.

Amakipe yahembwe atya:
- Ikipe ya Mbere (Ndora/Gisagara) yahawe igikombe n'amafr 700,000Rwf
- Ikipe ya 2 (Rugalika/Kamonyi): 500,000Rwf
- Ikipe ya 2 (Ntongwe/Ruhango): 300,000Rwf

3. Ku kibuga cy'Umurenge wa Ngoma mu Karere ka Huye hafunguwe ku mugaragaro imurikabikorwa ry'Intara y'Amajyepfo, Akarere ka Gisagara nako kakaba gafitemo stands zinyuranye z'abafatanyabikorwa n'abashoramari n'iy'Akarere nyrizina.

Expo yafunguwe na Minisitiri w'Ubucuruzi n'inganda Ngabitsinze Jean Chrisostome ari kumwe na Guverineri w'Intara y'Amajyepfo, uhagarariye abikorera mu Ntara n'Abayobozi b'Uturere tugize Intara. Gisagara ikaba yitwaye neza mu ruhando rw'abamurikabikorwa.

4. Kuri iki gicamunsi, mu ishuri ENDP Karubanda/Huye, Minisitiri w'Uburezi Dr Uwamariya Valentine yahaye impanuro abakinnyi bazahagararira u Rwanda mu mikino ya FEASSSA2023 igiye kubera mu Karere ka Huye n'Akarere ka Gisagara kuva kuri iki cyumweru 20/08/2023.
Ku ruhande rw'Akarere ka Gisagara, Ibiganiro byitabiriwe na VM ED Jean Paul Habineza.

5. Ku biro y'Akarere ka Gisagara habaye amahugurwa y'Amatsinda na Koperative yahawe inkunga na MINALOC ku bufatanye na UNDP yo kugura ibikoresho.

Hahuguwe amatsinda 9 na Koperative 1 ku micungire y'umutungo n'Imiyoborere y'amatsinda na Koperative.

6. Kuri Montana Hotel Gisagara hashojwe amahugurwa y'iminsi 2 (17-18/08/2023) ya ba SEDO b'Utugali kuri CRVS mu gukora ikiganiro ku cyateye urupfu ahatari kwa muganga (Verbal Autopsy). Bahuguwe ku buryo bakora ikiganiro ku cyateye urupfu ahatari kwa muganga hakoreshejwe setup yitwa ODK Collect

7. Mu  Murenge wa Gikonko, ku bufatanye na Compassion International habaye ubukangurambaga mu kurwanya ibiyobyabwenge  mu Rubyiruko, ku nsanganyamatsiko igira iti: Turwanye ibiyobyabwenge mu rubyiruko no mu muryango.

8. Itsinda ry'abakozi 2 ba MINISANTE riyobowe na Bajyanama Donatien riri kumwe n'Umuyobozi w'Ishami ry'ubuzima mu Karere n'abakozi 2 b'Ibitaro bya Kibilizi basuye Ikigo nderabuzima cy'Inkambi ya Mugombwa mu rwego rwo kureba ko cyujuje ibisabwa ngo cyemerewe gutanga serivisi zisumbuye (Kwita ku babana n'ubwandu bwa HIV, Kuvura Igituntu, indwara zo mu kanwa n'amaso), kuba cyakwakira abarwayi batari impunzi bakigannye no kuba impunzi zakoresha ubwisungane mu kwivuza (Mutuelle de sante) nyuma yuko biganiriweho n'ubuyobozi bwa  MINEMA, MINISANTE na HCR.

Murakoze, Imana ibahe umugisha