1. Mu makipe 5 yahagarariye Akarere ka Gisagara mu marushanwa y'amashuri muri Ligue y'Amajyepfo, amakipe 3 yo muri Gisagara yegukanye ibikombe, aba aya mbere muri disciplines zitandukanye.

• Muri Volleyball Girls, igikombe cyatwawe na GS Gikore yo mu Murenge wa Kansi

• Muri Basketball Boys, igikombe cyatwawe na GS Mugombwa yo mu Murenge wa Mugombwa.

• Muri Football Girls, igikombe cyatwawe na GS Kansi yo mu Murenge wa Kansi.

Dukomeje imihigo.

2. Ku gicamunsi cyo kuri uyu wa Gatatu 13/07/2022 Umuyobozi w'Akarere ka Gisagara ari kumwe na:

- Umunyamabanga Nshingwabikorwa w'Umurenge wa Save

- Commandant wa Police Save Station

- Cpl Mutoni Gentille /RNP (umukobwa)

- Cpl/RDF (umukobwa)

- Dasso Nyirantore Alice (umukobwa)

- Dasso Mutuyimana Claire (umukobwa)

Basuye ikigo cy'amashuri cya College Immacullée Conception giherereye mu Murenge wa Save.

Umuyobozi w'Akarere  yatanze ikiganiro ku bayobozi, abarezi n'abanyeshuri b'iki kigo gifite insanganyamatsiko igira iti: "Amateka y'u Rwanda n'uruhare rw'Urubyiruko mu kubaka Igihugu. Ifashishije abo bazanye, yagaragaje neza uruhare rw'umukobwa muri iyo gahunda yo kubaka igihugu.

Abanyeshuri cyane cyane abakobwa baganirijwe na bakuru babo babibutsa ko Imiyoborere myiza idaheza, kandi itanga amahirwe angana ku bahungu n'abakobwa bakwiye kwitinyuka bakayabyaza umusaruro.

Babahaye ingero zifatika ku nshingano bafite nka DASSO, RNP no muri RDF kandi kuba ari abakobwa bitababuza kuzuza inshingano zabo zose kandi neza, yemwe hari n'aho bazinoza neza kurusha abagabo.

Ubuyobozi bw'Ikigo bwishimiye iki kiganiro bahawe, busezeranya ko ibyo bungukiyemo bizafasha abanyeshuri kurushaho kugera ku ntumbero zabo.

3. Mu rwego rwo gutegura igikorwa cyo gutanga insimburangingo n'inyunganirangingo mu mwaka wa 2022-2023, uyu munsi mu Karere ka Gisagara hatangiye igikorwa cyo gusuzuma no gutoranya abantu bafite ubumuga bazahabwa assistive devices.

Icyo gikorwa kiva kuwa 13/07-18/08/2022, kikaba kiri gukorwa ku bufatanye bw'Akarere n'itsinda ry'abaganga boherejwe na NCPD bayobowe na Muganga Eric HABIMANA.

Bakiriwe na VM AFSO, abashimira iyo nkunga kdi abizeza ubufatanye.

4. Mu rwego rwo kwirinda no gukumira COVID19, igikorwa cyo gukingira abantu COVID19, bahabwa urukingo rwa mbere, urwa 2 n'urwa 3 rwo gushimangira (booster) cyakomeje.

Uyu munsi wo kuwa 13/07/2022 hakingiwe abantu 371 (Dose 1: 20, Dose 2: 66, Dose 3: 285).

Igikorwa kirakomeje...

Murakoze