Turabegezaho mu ncamake bimwe mu bikorwa byaranze Akarere kuri uyu wa mbere tariki ya 11 Ukwakira 2021:

1. Komite Nyobozi y'Akarere yakoranye inama n'abakozi bose bakorere ku HQs.

Inama yayobowe n'Umuyobozi w'Akarere wungirije ushinzwe iterambbere ry'ubukungu Habineza Jean Paul ari kumwe n'Umuyobozi w'Akarere wungirije ushinzwe imibereho myiza y'abaturage Gasengayire Clemance n'Umunyamabanga Nshingwabikorwa w'Akarere , yibanda ku ngingo zikurikira:
- Ishyirwa mu bikorwa ry'Imihigo 2021-2022 hatangwa inama ku byakorwa kugira ngo hatazagira ahaba ubukerererwe.
- COVID19 n'igikorwa cyatangiye ejo ku cyumweru cyo gutanga urukingo ku bantu bafite imyaka 18 no kuzamura
- Amakuru ku gikorwa cy'amatora giteganyijwe mu minsi iri imbere.

2. Umuyobozi w'Akarere wungirije ushinzwe iterambbere ry'ubukungu  Habineza Jean Paul yakiriye itsinda rigizwe n'impuguke zo muri Korea n'abakozi ba MINAGRI na RAB bakurikirana ishyirwamubikorwa ry'umushinga ugamije gutunganya igishanga cya Nyiramageni.
Uyu mushinga wa Sustainable Agricultural Productivity and Market Linkage Project (SAPMP) uterwa inkunga na KOICA binyuze muri MINAGRI.

▪️Iyi nama yari igamije gusobanura ibikorwa by'uyu mushinga.
Kuva ejo kugeza kuwa gatanu iri tsinda rizakomereza imirimo kuri terrain hakorwa ubusesenguzi ku bikorwa byamaze gutangira no gutegura ibindi bikorwa bizakorwa muri uyu mushinga.

3. Igikorwa cyo gutanga urukingo rwa COVID19 ku bantu bafite imyaka 18 no kuzamura cyatanbiye ejo ku cyumweru cyakomeje uyu munsi  mu bigo nderabuzima byose n'ibitaro kandi kirimo kugenda neza. Ubu hamaze gukingirwa 12855 kuri 33690 bateganiyjwe, bihwanye na 38%.

4. Igikorwa cyo gususuma abantu abafite ibimenyetso bya COVID19 (screening) cyakomeje mu bigo nderabuzima byose n'ibitaro.
Hasuzumwe abantu 5393: Zone Hop. Kibilizi: 4099 Zone Hop. Gakoma: 1294.

Murakoze