Kuri uyu wa gatanu tariki ya 19 Ugushyingo 2021 Akarere ka Gisagara kabonye abayobozi bashya nyuma y’uko manda y’imyaka 5 yari irangiye, hagategurwa amatora yo gushyiraho abandi bayobozi.

Kimwe n'ahandi mu gihugu hose, mu Karere ka Gisagara twitabiriye igikorwa cy'amatora, hatorwa Bureau y'Inama Njyanama y'Akarere na Komite Nyobozi y'Akarere.

▪Amatora yabanjirijwe no kurahiza abajyanama b'Akarere baheruka gutorwa uko ari 17, barahizwa kandi indahiro yabo yakirwa na Perezida w'urukiko rwisumbuye rwa Huye, banasinyira indahiro bakoze.

▪Hakomeje igikorwa cyo gutora Biro y'Inama Njyanama y'Akarere, hatorwa:

1. Uwimana Innocent: President

2. Laurette Mushimiyimana: Vice President

3. Kalinganire Ignace Steeven: Scretary

▪ Hakurikiyeho amatora ya Komite Nyobozi y'Akarere, hatorwa:

1. Mayor: Rutaburingoga Jerome

2. VM ED: Habineza Jean Paul

3. VM AFSO: Dusabe Denise

▪ Umuyobozi w'Akarere w'agateganyo yashimiye Komisiyo y'Amatora ku gikorwa cyiza imanze iminsi iyobora mu Karere cyo gushyiraho abayobozi b'inzego z'ibanze kandi kikaba cyaragenze neza none kigeze kikaba kigeze ku musozo.

Yanashimiye abayobozi bose batowe mu byiciro bitandukanye, by'umwihariko kandi anabaha ikaze abagize Biro y'Inama Njyanama na Komite Nyobozi y'Akarere batowe uyu munsi.

▪ Intumwa y'Intara muri aya matora Kabera Vedaste yashimye cyane uburyo amatora yateguwe n'uburyo yayobowe kugeza uyu munsi arangiye. Yibukije abatowe kutazibagirwa ibyo bijeje ababatoye ubwo biyamamazaga, ari nabyo byatumye babagirira icyizere, bakabihuza na gahunda z'Akarere ndetse n'igihugu muri rusange, imvugo ikaba ingiro nk'uko tubitozwa ubutitsa.

Yibukije ko umuhango wo kurahira kwa Komite Nyobozi itowe n'ihererekanyabubasha bizaba kuwa mbere tariki ya 22/11/2021.

▪ Amatora yakurikiranwe kandi n'intumwa ya Komisiyo y'amatora ku rwego rw'igihugu Kwitonda Jean Baptiste ushinzwe planning muri iyo Komisiyo. Hari kandi abayobozi b'inzego z'umutekano ku Karere n'indorerezi zitandukanye.

Gahunda zose, n'Amatora by'umwihariko zagenze neza

Murakoze.