Kuri uyu wa gatatu tariki ya 27 Kanama 2025, ku Gisagara hashojwe ingando y'iminsi 3 yateguwe ku bufatanye na ActionAid Rwanda, itegurirwa abangavu 100 bo mu Mirenge ya Muganza, Gishubi na Kibilizi bafite imyaka 12-17 hagamijwe kubaka icyizere cy'ejo hazaza ha Nyampinga ubereye u Rwanda, ku nsanganyamatsiko "Ndi uwagaciro None n'Ejo".

Ingando yatangiye kuwa 25 Kanama 2025 ibera mu rwunge rw'amashuri rwa Mutagatifu Philip Neri i Ndora. Ikaba yashojwe kuri uyu wa 27 Kanama 2025 n'Umuyobozi w'Akarere wungirje ushinzwe imibereho myiza y'abaturage Denise Dusabe.

Abangavu bishimiye aya mahugurwa kuko bungutse byinshi bijyanye n'imyororokere, bituma bigirira icyizere, bakamenya kurinda ejo habo no kwihesha agaciro (To shape their own future), bikanabarinda imitego yabagusha mu bishuko by'ingeso mbi nk'ubuzererezi, ubusambanyi n'ibiyobyabwenge.

Ibiganiro bahawe bijyanye na:
- Amakuru ku buzima bw'imyororokere
- Uburenganzira bw'umwana, Service ya Isange One Stop Center, Kurwanya Ihohoterwa rishingiye ku gitsina n'amategeko ahana abakora Ihohotera.
- Indagagaciro, Gukunda Igihugu na Kirazira
- Imiyoborere n'uruhare rw'umugore n'umukobwa mu iterambere ry'igihugu n'umuryango
- Ikiganiro kigamije kuzamura icyizere no kugira intego "inspire me"

Umuyobozi w'Akarere wungirije ushinzwe imibereho myiza y'abaturage Denise Dusabe yatangaje ko iyi gahunda ifasha abana gukura neza bifitiye icyizere bikabarinda kwiyandarika bikurura guterwa inda zitateganyijwe. Yashishikarije n'abandi bafatanyabikorwa bafite urubyiruko mu nshingano gukomerezaho ku buryo urubyiruko rwinshi ruzabona amahugurwa nk'aya hagamije kubaka u Rwanda rwiza.

Murakoze