Kuri uyu wa kabiri tariki ya 17 Kamena 2025, Itsinda ry'abasenateri mu Nteko Ishinga Amategeko bayobowe na Hon. Sen. Uwimbabazi Penina basuye Akarere ka Gisagara mu rwego rwo Kugenzura uko ingamba zo guteza imbere ikoreshwa ry'ibicanwa bitangiza Ibidukikije zishyirwa mu bikorwa no Kumenya uko abaturage babona ibicanwa.

Bakiriwe n'Umuyobozi w'Akarere Jerome Rutaburingoga ari kumwe n'Umuyobozi w'Akarere wungirije ushinzwe iterambere ry'ubukungu, bamwe mu bakozi b'Akarere, umuyobozi wa REG mu Karere, n'abafatanyabikorwa muri iyo gahunda.

Ku gicamunsi bitabiriye inteko y'abaturage mu Kagari ka Gisagara mu Murenge wa Ndora, aho bafatanyije n'ubuyobozi bw'Akarere gukemura ibibazo by'abaturage no gukomeza ubukangurambaga rwo gukoresha ibicanwa bitangiza ibidukikije.