Kuri uyu wa 21/04/2017, mu Murenge wa Gishubi bibutse ku nshuro ya 23 jenoside yakorewe abatutsi mu 1994. Byabaye muri gahunda y'iminsi 100 yo kwibuka, mu rwego rw'Akarere ka Gisagara hakaba hari gahunda y'umwihariko kuri buri murenge bijyanye n'igihe jenoside yagize ubukana bw'indengakamere aho hantu.

Umushyitsi mukuru muri uyu muhango yari Umuyobozi w'Akarere RUTABURINGOGA Jerome watanze impanuro ku baturage benshi cyane bari bitabiriye  anahumuriza abarokotse jenoside ko ibyabaye bitazongere ukundi, impanuro ziganisha ku nsanganyamatsiko igira iti: "Twibuke jenoside yakorewe abatutsi, turwanya ingengabitekerezo ya jenoside dushyigikira ibyiza twagezeho".

Nyuma yo kwibuka mu Murenge wa Mugombwa kuwa 20/04/2017 ahahuriye imirenge 3 ya Mugombwa, Mukindo na Muganza, Uyu munsi hatahiwe umurenge wa Gishubi, kuwa gatandatu 22/04/2017 ni mu Mirenge ya Kibilizi, Kansi na Kigembe (Agahabwa), kuwa 23/04/2017 ni i Kabuye mu Murenge wa Ndora, kuwa 25/04/2017 kwibuka bizabera mu Murenge wa Save naho kuwa 27/04/2017 bibere mu Mirenge ya Musha, Gikonko na Mamba.

 

MUNYENTWALI Cyprien

Share Button

 

Tanga igitekerezo cyawe

Adding an entry to the guestbook

No entries

Nothing found in the guestbook.